Вакцината против коронавирус, која ја разви Универзитетот во Оксфорд се покажа како безбедна и предизвикува имунолошки одговор, јави Би-Би-Си.
Испитувањата во кои биле вклучени 1.077 лица покажале дека вакцината помогнала да се создадат антитела, а белите крвни ќелии биле во можност да се борат со коронавирус.
Откритијата се многу ветувачки, но сè уште е премногу рано да се зборува дали вакцината е доволна за заштита или се потребни поголеми испитувања.
Велика Британија веќе нарача 100 милиони дози на вакцината.
Како дејствува вакцината?
Вакцината – наречена ChAdOx1 nCoV-19 – се развива со невидена брзина.
Направена е од вирус што предизвикува обична настинка кај шимпанзата.
Научниците успеале во ова со префрлување на генетски инструкции за протеинот кој во коронавирусот е клучен алат за напад на здрави клетки. Имено, вакцината наликува на коронавирус и имунолошкиот систем може да „научи“ како да ја нападне.
Дали е безбедна?
Вакцината е безбедна, но има несакани ефекти.
Немаше опасни несакани ефекти од земање на вакцината, сепак, 70% од луѓето во испитувањето развија треска или главоболка. Научниците велат дека несаканите ефекти можат да се решат со парацетамол.
