БИ-БИ-СИ: Во 10 земји ниту еден жител не е заразен од Ковид-19, но им ја разболе економијата

Пандемијата на коронавирусот го зафати целиот свет, освен 10 земји каде нема вирус, но нивните економии се силно погодени, пренесува Би-Би-Си.

Земји без евидентирани случаи на Ковид-19 се Палау, Микронезија, Маршалските острови, Науру, Кирибати, Соломонските острови, Тувалу, Самоа, Вануату и Тонга.

Би-Би-Си наведува дека во 2019 година Палау го посетиле околу 90.000 туристи, што е за петпати повеќе од вкупното население.

Во 2017 година, според податоците на ММФ, туризмот учествуваше со 40 проценти од БДП на земјата.

Поради пандемијата, границата со Палау е затворена од крајот на март, така што, иако нема ниту еден заразен, вирусот ја осиромаши земјата.