Менаџерот на Тотенхем, Жозе Мурињо е убеден дека Деле Али може да остане со „петлите“ оваа сезона. Португалскиот стручњак го повика англискиот репрезентативец да го открие својот целосен потенцијал за време на тековната кампања.
– Верувам дека тој ќе остане. Дури можам да кажам дека сум убеден дека ќе остане, изјави Мурињо за „Скај Спортс“.
Деле Али (24), е дел од Тотенхем за мечот од Лигата на Европа како гостин против Шкендија Тетово од Северна Македонија подоцна денеска.
– Тој имаше свои многу добри моменти, но имаше и слаби моменти. Нормално е да играте редовно кога сте во форма. Тогаш е заслужено. Нормално е да не учествувате на натпревари толку често кога не играте добро. Ако останете 90 минути на теренот, мора да се докажете. Тој секогаш ќе има свои шанси, секогаш велев. Нема проблем со тоа, но најважно е неговиот настап за време на натпреварите, изјави Жозе Мурињо.
Деле Али се поврзува со трансфер во друг клуб, откако за него се заинтересирани Реал Мадрид и Пари Сен Жермен.
