Владата вечерва одржа седница за да ја отпочне постапката согласно со препораката од Советот на безбедност за прогласување кризна состојба на целата територија на државата и ефикасно справување со последиците од КОВИД-19.
– Во таа насока, согласно Законот за управување со кризи, на вечерашната седница Владата донесе решение за изменување на Решението за именување членови на Групата за процена, со кое за членови на оваа група се именуваат Стојанче Ангелов, вршител на должност директор на Центарот за управување со кризи и Беким Максути, вршител на должност директор на Дирекцијата за заштита и спасување, соопшти владината прес-служба.
На вечерашната, 22-ра седница, донесено е и решение за изменување на Решението за именување членови на Управувачкиот комитет за координација и управување во системот за управување со кризи и за членови на Комитетот го именуваше Стојанче Ангелов, в.д. директор на Центарот за управување со кризи и раководител на Групата за процена.
– Со решенијата на вечерашната седница се овозможува да отпочне постапката за прогласување кризна состојба на целата територија на државата според мислење на Групата за процена, по што ќе следува предлог на Управувачкиот комитет за координација и управување во системот за управување со кризи до Владата, по што таа ќе ја донесе одлуката за прогласување кризна состојба, соопшти прес-службата по завршувањето на седницата.
