На првиот ден од новата година во Србија, пуштен е во употреба делот од гасоводот „Турски тек“, кој низ Србија поминува од бугарската до унгарската граница во должина од 403 километри. Претседателот на Србија рече дека денот на бензинот започнува во шест часот наутро, што е причина зошто тие се собраа во 6 часот наутро. Вучиќ најави дека гасот ќе биде донесен низ многу општини во земјата и рече дека од Србија, гасот ќе оди во Унгарија, Босна и Херцеговина и дека постои можност за дистрибуција во земји во регионот.

„ Набавуваме гас по цена до 155 долари за илјада кубни метри гас. Трошоците за транспорт ни се значајно пониски. Ова е стратешки многу важно за нас, имајќи ги предвид големите трошоци за изградба на гасоводот поволна околност е дека задно со нашите партнери ќе наплатуваме транзитната такса и на тој начин ќе го отплатуваме кредиот за изградбата. Најважно е дека со гасот обезбедуваме енергетска сигурност и во иднина ќе имаме можност уште посилно да привлечеме инвеститори.“

Првата делница на „Балкански тек“ е од бугарската граница до Ќуприја, втората од Ќуприја до Дунав, третата од Дунав до Зрењанин. додека оваа четврта делница е од Госпоѓинци до Суботица. Како што беше прецизирано, преку новиот гасовод денеска во Србија ќе бидат пуштени до 6 милиони кубни метри гас.

„Ова е најдобриот подарок за Нова Година. Со почетокот на новата година, имаме голем настан во развој на нашите билатерални односи. Завршен е најважниот дел на еден од глобалните проекти на нашата заедничка соработка. Гасоводот и воопшто внатрешната инфраструктура во Србија , ќе обезбеди економска стабилност на вашата земја и ќе овозможи понатамошен развој на земјата“.

„Балкански тек“ е продолжеток на гасоводот „Турски тек“ со кој што преку Бугарија се транспортира рускиот гас. „Турски тек“, беше пуштен во работа на 8 јануари минатата година. Гасоводот се протега од Русија преку Црното море до Турција, разгранувајќи се понатаму до границите со соседните земји – Бугарија и Грција. Капацитетот на секоја рака е 15,75 милијарди кубни метри гас. Планот е гасоводот да се продолжи кон Австрија и Словачка.

„Многумина вршеа притисок врз нас да не земаме гас од Русија“ е изјавата на претседателот на Собранието на Србија, Ивица Дачиќ, кој за српските медиуми рече дека отворањето на „Балкан поток“, е историски ден за стабилноста на Србија.

Низ медиумите се ширеа информации дека за САД „Турски тек“ е политички проект што ја загрозува енергетската безбедност на Европа. Руската страна постојано изјавуваше дека проектот е апсолутно комерцијален и конкурентен и посочи дека не подразбира прекинување на транзитот на руски гас преку Украина кон ЕУ.