Италијанскиот премиер Џузепе Конте синоќа доби доверба во Долниот дом на парламентот откако неговиот помал партнер ја напушти владеачката коалиција, но за помалку од 24 часа ќе треба да се соочи со многу понеизвесно гласање во Горниот дом- Сенатот.
По неговиот апел до опозицијата и независните пратеници да го поддржат откако минатата недела партијата на поранешниот премиер Матео Ренци, „Италија Вива“ ја напушти коалицијата, на владата на Конте му беше изгласана доверба во Претставничкиот дом на парламентот со 321 глас „за“ и 259 „против“.
Конте утре ќе се соочи со поостар тест во Сенатот на Република, каде што владата имаше само мало мнозинство, дури и кога „Италија Вива“ се уште беше дел од коалицијата, покажуваат аналзиите на агенциите.
