Франција го помина прагот од 100.000 мртви од Ковид-19, јави дописникот на МИА.
Франција денеска го помина прагот од 100.000 мртви од почетокот на епидемијата со Ковид-19, во средината на третиот бран што се уште трае и ги остава отворени прашањата за повторно отворање на земјата од средината на мај.
Преминувајќи ја оваа гранична бројка, Франција им се приклучи на Велика Британија (127. 000 мртви) и Италија (115. 000 мртви), но другите земји (Белгија, Португалија) имаат поголема смртност по глава на жител. Фрамција има 65 милиони жители и со оваа бројка стигна до 1530 мртви од Ковид 19 на милион житеи што е многу помалку од Македонија која има 2091 починат на милион жители и е далеку пред Италија, В. Британија и Португалија, а одамна е и пред Белгија.
Според извештајот на француското Јавно здравство во последните 24 часа умреле 300 пациенти во болниците. Ден претходно, бројот на умрени изнесува 99.805 лица. Во моментов се хоспитализирани 30.688 лица, што е помалку од средата (30.868), додека 5.924 пациенти се во одделенијата за критична нега, вклучувајќи 501 кои пристигнале од претходниот ден.
Претседателот Емануел Макрон им оддаде почит на 100.000 жртви на Твитер.
„Ако целата наша енергија е свртена денеска кон излезот од оваа голгота, нема да заборавиме ниту едно лице, ниту едно име“, напиша тој.
