Собранието денеска ќе ја продолжи 34. седница, на чиј дневен ред се повеќе предлог-закони во прво читање.
Пратениците ќе расправаат за Предлог-законот за изменување и дополнување на Законот за прекршоците, по скратена постапка, за измените и дополнувањата на законите за постапување со бесправно изградени објекти, за комуналните такси, за даноците на имот, за финансирање на единиците на локалната самоуправа, на Законот за буџетите, сите во прво читање.
На дневен ред на седницата се и Предлог-законот за системот на внатрешна финансиска контрола во јавниот сектор, измените на Законот за социјална заштита, на Законот за шумите, на Законот за стоковните резерви, за административните такси, сите во прво читање и Информацијата за нацрт-концепција за основно образование, поднесена од група пратеници.
Нема најава дали владејачките партии повторно ќе прават циркус со присуство на заразени пратеници од коронавирус, како што тоа го направија во неделата, кога нивното присуство беше непотребно бидејќи со пратениците од опозицијата имаше кворум повеќе од доволно за изгласување на антикризните мерки.
