Германската канцеларка Ангела Меркел и членови на нејзиниот кабинет се на кризен состанок денеска за да се осврнат на нивниот одговор на влошената безбедносна состојба во Авганистан, додека талибанските милитанти напредуваат кон Кабул.
Се разговара за тоа како да се врати дипломатскиот персонал и вработените што работат за германски организации во Авганистан што е можно поскоро, изјави владиниот портпарол за ДПА.
Во одлуката ќе биде вклучен и германскиот Бундестаг, според портпаролот.
Покрај Меркел, оние што се приклучија на телеконференцијата се заменик-канцелар Олаф Шолц, министерот за надворешни работи Хајко Мас, министерката за одбрана Анегрет Крамп-Каренбауер, министерот за внатрешни работи Хорст Зехофер, министер во канцеларијата на канцеларката, Хелге Браун и претставник од Министерството за економска соработка.
