Воведувањето задолжителна вакцинација нема да биде најефективниот начин за оние кои не биле вакцинирани против Ковид-19 да го сторат тоа, а плановите за заострување на мерките за добивање здравствени пропусници за вакцинираните веќе даваат резултати, рече портпаролот на француската влада Габриел Атал.
За да влезат во ресторани и кафулиња, но и да користат превоз со меѓурегионални возови, жителите на Франција неодамна мора да имаат доказ дека се вакцинирани или потврда за негативен тест за ковид.
Со оглед на зголемувањето на бројот на заразени со сојот Омикрон, парламентот почна дебата за закон со кој би се отфрлила опцијата за задолжително тестирање.
Четири од десет невакцинирани Французи не се вакцинирани против Ковид поради тешкотии во пристапот до релевантните здравствени услуги, објави оваа недела Францускиот национален институт за здравствени и медицински истражувања (Инсерм).
„Се уште стоиме на одлуката да се изврши притисок врз невакцинираните“, изјави Атал за телевизијата БФМ.
Франција во петокот, по вторпат за само една недела, тргистрира повеќе од 300.000 нови случаи на инфекција со коронавирус. Хоспитализациите, од кои повеќето завршуваат со сместување на пациенти со Ковид-19 во одделот за интензивна нега, се во пораст, што во голема мера го оптоварува францускиот здравствен систем.
Атал, исто така, рече дека речиси 10 милиони тестови за Ковид-19 биле спроведени минатата недела и дека владата ќе стави повеќе здравствени работници.
Но, вработените во лабораториите предупредуваат дека стапката на тестирање може да биде неодржлива.
„Едноставно не можеме да продолжиме да тестираме толку голем број заразени луѓе“, рече Лионел Баранд, претседател на Националниот сојуз на медицински биолози, за БФМ.
