Во интервјуто за БТВ пред доаѓањето во Скопје, бугарскиот премиер Кирил Петков беше прашан и за Македонците со бугарска самосвест во Македонија (терминот Македонци со бугарска самосвест во Македонија што го употребува водителката наликува на сфаќањето дека Македонија е територија во која живеат граѓани со бугарска, албанска и друга самосвест, но не и Македонци во национална смисла), но и за македонското малцинство во Бугарија. Еве што одговори Петков во делот што го пренесува ТВ Сител:
ПЕТКОВ: Рокот од шест месеци што го поставив беше за рамката во која работните групи треба да работат и да ја завршат работата со средби еднаш месечно. Јас никогаш не сум давал точен рок за решение.
БТВ: Сега одите и што ќе им кажете на Македонците?
ПЕТКОВ: Ќе им кажам дека е време политичарите да запрат со еднострани удари, како декларациите, туку дека е време да ги засукаме ракавите…
БТВ: Само што болната тема е историјата. Какви гаранции за Македонците со бугарска самосвест сакаме?
ПЕТКОВ: Сакаме гаранции кои секој граѓанин на ЕУ треба да ги има, а тоа е нулта толеранција кон дискриминацијата.
БТВ: Дали Вие сте воделе разговори со претставници на амбасадата на САД за признавање на македонско малцинство во Бугарија?
ПЕТКОВ: Никогаш!
БТВ: Ваши колеги или претставници на Владата или службеници?
ПЕТКОВ: Никогаш. Нема такво малцинство и за тоа не може да се разговара.
БТВ: Какво компромиси е подготвена да направи Бугарија?
ПЕТКОВ: Авионската линија може да биде првиот компрмис. Бугарија може да биде иницијатор за стартување на линија Софија и Скопје уште идниот месец.
БТВ: Каков компромис е тоа?
ПЕТКОВ: Кој ќе ја организира, кој ќе ја финансира…
