Во Ерусалим денеска почна судењето на Сара Нетанјаху, сопруга на израелскиот премиер Бенјамин Нетанјаху, за наводна финансиска измама.
Таа е обвинета за прекумерно трошење, односно дека потрошила околу 100.000 долари на приватни ручеци во официјалната резиденција на премиерот.
Брачната двојка Нетанјаху ги негира обвинувањата и тврди дека тие се жртви на политички лов на вештерки што го води непријателски медиум.
Сара Нетанјаху одамна ја обвинуваат за екстравагантен начин на живот и злонамерно однесување. Во 2016 година, судот пресуди дека злоставувала службеник и морала да му плати 42.000 долари отштета.
