Вршителот на должноста командант на Азовскиот полк, чии заробени членови беа убиени вчера во проруски сепаратистички затвор во напад за кој меѓусебно се обвинуваат Русија и Украина, се обрати до јавноста.
Азов на својот канал Телеграм објави изјава од неговиот в.д. командант, мајор Микита Надточи, за „масовното убиство на украинските воени затвореници во селото Оленивка во привремено окупираната територија на регионот Доњецк“.
– Нападот во Оленивка го сметаме за чин на јавна егзекуција. Русија го изврши затоа што знае дека никој нема да ги казни во војна. Затоа ние, Азов, Украина како држава и целиот цивилизиран свет да се бориме Русија еднаш засекогаш да го запамети ова. Ќе ги најдеме каде и да се, дури и во Русија. Веќе ги откриваме имињата на џелатите и организаторите на егзекуцијата на воените затвореници. Веќе имаме прелиминарни информации, но се уште не сме подготвени да ги објавиме деталите. Ќе ги најдеме каде и да се – во окупираните делови на Украина, во Русија или во трета земја. Украина како држава ќе обезбеди правично судење и казнување, напиша Надточи.
Тој му се закани директно на Путин:
– 24 часа лажеа за украинската армија, а денеска го потврдија своето злосторство со објавување на сопствената амбасада. Сакам да го потсетам Путин, кој е лично одговорен за ова злосторство, дека во куќата на обесениот не се разговара за јаже. Путин, ќе бидете казнети, заедно со вашите чакали. Со сите сертификати и печати, пресудата на Меѓународниот суд. Азов сега е цела Украина. Лажната империја на варварите ќе биде уништена. Русија мисли дека го убила Азов, дека го погубила. Но Азов сега е цела Украина. Секој Украинец ќе се одмазди за секој од нашите мачени и убиени браќа, се заканува Надточи.
