Во Киев денеска ќе биде воведено вонредно исклучување на електричната енергија поради новите напади од страна на руските сили врз енергетски објекти. Информацијата ја соопшти генералниот директор на енергетскиот оператор ЈАСНО (YASNO), Сергиј Коваленко.
– Ноќеска дојде до нови напади на енергетските објекти на Украина. Затоа денеска во Киев ќе има вонредни исклучувања во значителен обем, наведе Коваленко.
Во главниот град на Украина изминатите три дена применувани се само планирани исклучувања заради стабилизација, а бројот на потрошувачи кои беа исклучени се намалуваше од ден за ден.
Така, во вторникот од мрежата беа исклучени 904.000, а вчера 746.400 потрошувачи, јавија дел од украинските медиуми.
Претходно, владини претставници соопштија за рестрикции на електричната енергија, со ограничено и улично осветлување.
