Едно лице го загуби животот во сообраќајна несреќа која синоќа околу 20 часот се случи на магистралниот пат Охрид-Ресен кај село Куратица, дознава Курир.
Според неофицијални информации во несреќата учествувале мотоциклист и автобус.
Портпаролот на СВР Охрид, Стефан Димоски, во изјава за Курир потврди дека имаат пријава за случена сообраќајна несреќа на овој патен правец.
-Полициски екипи вршат увид на местото на несреќата. Повеќе информации ќе бидат познати во текот на утрешниот ден, изјави синоќа Димоски.
Во 22:15 часот сообраќајот на магистралниот пат е нормализиран.
Последна вест: Моторциклист од битолско загина во сообраќајка на патот Охрид – Ресен
Моторциклист смртно настрада во сообраќајна несреќа што вчера се случила на магистралниот пат Охрид-Ресен, на крстосницата со локалниот пат за охридското село Куратица.
Според полициското соопштение, незгодата се случила вечерта во 19:40, при што дошло до судар на автобус „мерцедес“ со турски национални ознаки, управуван од М.А.(68) од Турција и мотоцикл „сузуки“ без регистарски таблички, управуван од П.Т.(23) од битолското село Горно Оризари.
Притоа од здобиените повреди на местото на несреќата починал мотоциклистот, а смрт констатирал лекар од Итната медицинска помош од Охрид.
На лице место извершен е увид од страна на јавен обвинител и полициски екипи, што ќе треба да ги утврдат околностите поради кои дошло до незгодата.
Возачот на автобусот е приведен, а по наредба на јавен обвинител телото на починатиот е предадено за обдукција.
Фото: Архива
