Европската унија сè уште не направила доволно за да го зголеми капацитетот за производство на оружје во услови на глобални закани, вклучително и руско-украинската војна, изјави денеска претседателката на Европската комисија Урсула фон дер Лајен.
„Заштитата на Европа, пред сè, е обврска на Европа. И додека НАТО мора да остане центар на нашата колективна одбрана, ни треба многу посилен европски столб“, рече Урсула фон дер Лајен на безбедносната конференција ГЛОБЕСЕК во Прага.
Таа, исто така, предупреди дека идејата дека Европа направила доволно за безбедноста на почетокот на оваа деценија е „илузија“, додавајќи дека втората половина од деценијата ќе биде со висок ризик, пренесува Ројтерс.
⚡️ Von der Leyen criticizes those who ‘muddy the waters’ on Ukraine at Globsec conference.
European Commission President Ursula von der Leyen criticized certain EU politicians for shifting the blame for Russia’s war on Ukraine.https://t.co/DrdjM4qjNf
— The Kyiv Independent (@KyivIndependent) August 30, 2024
„Ние Европејците мора да бидеме внимателни. Мораме повторно да го фокусираме нашето внимание на безбедносната димензија на сè што правиме. Мораме да размислуваме за нашата Унија како суштински безбедносен проект“, заклучила Фон дер Лајен.
