„ ТикТок“ објави дека ги обновува услугите на 170 милиони американски корисници откако новоизбраниот претседател Доналд Трамп рече дека ќе ја одложи забраната за апликацијата кога ќе ја преземе функцијата утре.
Денес, апликацијата во кинеска сопственост престана да работи за американските корисници. Забраната беше поттикната од загриженоста дека кинеските власти може да имаат пристап до нивните податоци.
„ ТикТок“ вечерва објави дека е во процес на „враќање на услугата“, само неколку часа откако го исклучи пристапот за корисниците во САД.
Тие му се заблагодарија на Трамп
Тие му се заблагодарија на новоизбраниот претседател за „дадената потребна јасност и гаранција“ и рекоа дека ќе соработуваат со Трамп „на долгорочно решение што ќе го задржи „ ТикТок“.
Претходно, Трамп изјави дека утре, на неговиот прв ден на функцијата, ќе потпише извршна наредба со која ќе му дозволи на „ ТикТок“ привремено да продолжи да работи во САД, истовремено сугерирајќи дека американската влада би можела да преземе делумна сопственост на социјалната мрежа.
