Американската амбасада во Израел објави снимка од состанокот одржан во четвртокот меѓу Стив Виткоф, специјалниот пратеник на американскиот претседател Доналд Трамп за Блискиот исток, и четворица израелски војници кои неодамна ги ослободи Хамас во Појасот Газа.
Ослободените израелски војници Даниел Гилбоа, Нама Леви, Лири Албаг и Карина Ариев се сретнаа со Виткоф, придружувани од израелскиот министер за стратешки прашања Рон Дермер, објави „Тајмс оф Израел“, наведувајќи дека војникот на ИДФ Агам Бергер бил ослободен пет дена откако неговите соборци пристигнаа во Израел.
Обраќајќи им се на војниците и нивните семејства, Виткоф рече дека Трамп е „среќен“ поради ослободувањето на израелските војници.
„Народот на Соединетите Држави е со вас, претседателот е со вас, а нашата заедничка цел е да ги вратиме сите дома за секој, секое семејство, да доживее ваков момент“, рече Виткоф.
.@SteveWitkoff , U.S. special envoy for the Middle East, met last Thursday at @Beilinson_ENG with the four female soldiers who were released a week ago, after a long period in Hamas captivity.
This event highlights the importance of international cooperation, as we continue to… pic.twitter.com/sUl1QzekmZ
— U.S. Embassy Jerusalem (@usembassyjlm) February 2, 2025
Зборувајќи во име на сите соборци, Албаг му рече на Виткоф дека напорите на оние што работат за нивното ослободување „дадеа надеж за живот на заробените војници на ИДФ“.
