Израелскиот премиер Бенјамин Нетанјаху ги пофали лидерските способности на американскиот претседател Доналд Трамп и неговото влијание врз сојузот меѓу двете земји.

„Мислам дека претседателот Трамп е најголемиот пријател што Израел некогаш го имал во Белата куќа. „Тој не само што прави огромна разлика во израелско-американската алијанса, ја зајакнува над сè што сме виделе претходно, туку тој е и одличен лидер за Америка и за сите други“, рече Нетанјаху.


Во интервју за Фокс њуз, тој рече дека Трамп направил сѐ што ветил во првите две недели од неговиот мандат, вклучително и „борба против антисемитизмот“ и борба против Меѓународниот кривичен суд (МКС).“

Нетанјаху беше во Вашингтон оваа недела, со што стана првиот странски лидер што ја посети Белата куќа откако Трамп по вторпат ја презеде функцијата претседател на САД.

Трамп наметна санкции на МКС поради судскиот налог за апсење на Нетанјаху под обвинение за воени злосторства, а исто така предложи Палестинците да се преселат од Појасот Газа во Египет и Јордан.

Тие две земји и Палестинците ја отфрлија идејата, што исто така наиде на критики и осуди од различни земји и светски организации.