(ВИДЕО) ШОКАНТНО ТВРДЕЊЕ НА ОБВИНИТЕЛОТ ХАЈРУЛАХИ: Обвинението за Кочани е свесно направено така за никогаш да нема разрешница

Во петокот, во емисијата Богдан Илиевски шоу гостуваше Мустафа Хајрулахи, прв човек на скопското Вишо јавно обвинителство кој сега е под суспензија. Во интервјуто, тој отворено зборува за неговиот случај, за обвинителите од бившото СЈО кои, според него, го држат во рака ЈО Коцевски. Тоа што е шокантно, што тој тврди дека обвинението за случајот во Кочани никогаш нема да се докаже и дека тоа е направено намерно. Прочитајте што тој вели за Кочани, за Коцевски и за бонусите на СЈО, во овој дел од интервјуто:

Петочно издание продолжува со разговорот во студио. На едно од најактуeлните теми периодов ке разговарам со човекот кој што добро ја познава проблематиката, да не речам предобро, и на своја кожа ја познава проблематиката, поврзана со случувањата околу републичкиот јавен обвинител Љупчо Ковески. Изласаната интерпелација, што се очекува, што следи, ќе си оди, нема да си оди… за се ова ќе разговарам со Мустафа Хајрулахи, шеф на Вишото јавно обвинителство во Скопје, под суспензија. Мустафа, чудно ли ти е, вака, после колку време помина од… Веќе 9 месеци. Значи, ние, отприлика, сме се виделе пред 7-8 месеци. Ти си суспендиран, благодарение на интерпелираниот Републички јавен обвинител, Љупчо Коцевски. Постои правен израз за тоа?

ХАЈРУЛАХИ: Човек без доверба.

ИЛИЕВСКИ: Човекот без доверба од народните пратеници кои што не претставуваат сите нас. Граѓаните на Република.

XАЈРУЛАХИ: Јас постојано зборував дека тој човек не заслужува да биде Републички ЈО.  Бидејќи да си Републички ЈО треба да имаш дигнитет, треба да имаш интегритет. Тој е човек без никаква морална вредност. Еве, дојдовме до тоа 70 пратеници да му изгласаат недоверба, А, тој утредента се појавува на работа. Ајде да направиме сега една споредба. Ако тие пратеници те избрале и ти дале мандат, да одиш и да работиш како републички обвинител, а сега овие 71 ти велат дека ти не заслужуваш да ја работиш таа работа, тогаш што правиме? Богдан, за 71 пратеник зборуваме. Тоа ти се најмалку 700.000 гласачи. Тоа е така. И 700.000 гласачи ти ги множиш со нула.

ИЛИЕВСКИ: Ќе разговараме и за тоа како е уреден системот кај нас, како се бираат обвинители итн. Но, да се разбереме, јас те викнав бидејќи во судирот меѓу тебе и Коцевски, јас навивам за тебе. И убава прилика е сега да направиме една анализа и да изведеме заклучоци. И да дадеме прогноза за периодот што следи. Но, на почетокот, дали чувствуваш барем малку дека правдата е задоволена или почнува да…

ХАЈРУЛАХИ: Види, правдата е задоцнета. Правдата е задоцнета, зашто да се случеше ова во било која друга нормална држава Коцевски досега ќе беше минато. Значи да беше тоа и во земјите од нашето најблиско опкружување, да не зборувам за другите поразвиени држави, Коцевски досега кривично ќе одговараше за се што јас обзнанив, ама за жал во нашето општество тоа не е така. Во ЈО ситуацијата ќе биде уште покомллицирана од тоа што јас го обзнанив и од тоа што јас цело време зборував. Ние не знаеме за овие девет месеци се случувало таму.

ИЛИЕВСКИ: Нема никакви информации?

ХАЈРУЛАХИ: Има информации, тие мислат дека јас не допирам до информациите. Има обвинители, 95 отсто од тие обвинители се чесни и вредни. Но тие пет отсто, тие се тие од СЈО и нивното опкружување. Тие се тие што час поскоро треба да се трнат од Јавното обвинителство за тоа да може да профункционира… Коцевски веќе не е обвинител. Тој е марионета, тој е кукла на овие од СЈО што го држат со сила таму. Го знам човекот. Тој всушност никогаш не водел истрага. Прв пат излезе да води истрага, за жал, за случајот за Кочани.

ИЛИЕВСКИ: Кој е всушност човеков и како дојде до ова позиција? Тој е избран во февруари 2024 година и како всушност дојде до оваа функција?

ХАЈРУЛАХИ: Видете, ништо, не е случајно. Случајностите се исклучуваат во нашиот случај… Од причина што тој е само продолжена рака на претходниот Републички ЈО, Љубомир Јовевски. Но, центарот на се се’ наоѓа во СЈО, во еден обвинител од тоа СЈО кој е мошне близок со таа струмичко-муртинска структура. И за да те изберат, треба да им бидеш послушен…

ИЛИЕВСКИ: И тоа како близок со таа структура. Но, треба да имаш и имаш и солидни познавања, не велам врвни, некој има врвни, но сите имаат солидни познавања…

ХАЈРУЛАХИ: Коцевски нема поим од правото. Коцевски е правно неписмен. Дали некогаш на било која емисија, ТВ емисија, тој самиот, без да чита кажал една просто проширена реченица. Проширена реченица не може да состави, од подмет и прирок. А да не зборуваме за тоа да разложува комплицирани правни прашања. Конкретни ситуации…

ИЛИЕВСКИ: Добро, да кажеме дека просто постои некоја сила. Длабока држава, подземна држава, мафијашки структури, корумпирани елити, кои што се трудат цело време да стават рака врз…, да држат контрола.

ХАЈРУЛАХИ: Веќе имаат ставено рака. Богдан, продолжената рака на таа невидлива држава се СЈО. Тие од СЈО се обучени за тоа каде и да одат да направат раздор. За да можат во тој раздор да функционираат беспрекорно.

ИЛИЕВСКИ: Тоа ли е таа нулта координата? Координата кај што работите почнуваат да стануваат много лоши? СЈО како нституција? СЈО како диво месо. Патем и неуставно. Не може да имаш два обвинителски системи!?

ХАЈРУЛАХИ: Десет души направија таков невиден раздор, што ЈО не може со години и со години да се оправи и да застане на нозе.

ИЛИЕВСКИ: Тие беа наменски, Мустафа…

ХАЈРУЛАХИ: Наменски се користат. Дојдоа во Вишото јавно обвинителство и се случи невиден хаос.

ИЛИЕВСКИ: Од што?

ХАЈРУЛАХИ: Од тоа што тие треба да спроведат агенда. Тие мора да спроведат агенда, бидејќи самите се во агендата. Ние знаеме само за тој предмет со бонусите на СЈО, 4,6 милиони евра.

ИЛИЕВСКИ: Мислам дека е доволно за…

ХАЈРУЛАХИ: А што се друго, не знаеме? Но, тие мислат дека не знаеме. А знаеме многу повеќе…

ИЛИЕВСКИ: За начинот на кој работеле, рекетирале, уценувале…

ХАЈРУЛАХИ: Се друго, се, друго…

ИЛИЕВСКИ: Да се оградам, ова е нешто што се зборувало во јавноста...

ХАЈРУЛАХИ: Ама и документирано е, не е само во јавноста, и документирано е. Еве имаме друг случај во кој што пријавуваат исто така оштетени. Кои што биле, наводно тогаш осомничени о дтоа СЈО, кривичната пријава е против тројца обвинители од тоа СЈО.

ИЛИЕВСКИ: За?

ХАЈРУЛАХИ: За поткуп. Кога ќе се продлабочи работата…

ИЛИЕВСКИ: Шемата на Катице, истата?

ХАЈРУЛАХИ: Па, истите луѓе, истите чинители, кога ќе се продлабочи работата, односно, кога ќе дојдат добрите времиња, за да се види како тие функционирале, ќе останеме без зборови. И затоа тие прават се за да останат. И затоа тие го држат Коцевски. Бидејќи тие без Коцевски ќе бидат нула.

ИЛИЕВСКИ: Мислиш дека идниот јавен обвинител…, на каков отпор би наишол? Ајде, дури сме таму кај СЈО. Како се испреплетени сега? Дел се во Вишото јавно обвинителство, некој се врати…

ХАЈРУЛАХИ: Секаде ги има.

ИЛИЕВСКИ: Единаесет од бившото СЈО се насекаде во системот…

ХАЈРУЛАХИ: Секаде ги има. Посебно во ЈО и во судовите. Но, бројот е поголем. Во Советот на ЈО, колку имаме ние такви луѓе кои имаат директни интереси, односно се директно поврзани со поранешното СЈО? И тие сакаат или не, мораат слепо да го спроведуваат тоа што ќе им се каже, затоа што ќе треба или да вратат пари или да одговарат за… И тоа или тие самите или блиски нивни роднини. Ова е мрежа невидена.

ИЛИЕВСКИ: Уште малку околу Коцевски. Што мисли тој дека ќе се случи?

ХАЈРУЛАХИ: Видете, и на него не му е сеедно, него го држат таму. Не дека тој сака да биде таму. Него го држат, го условуваат, знам и точно и кој го условува, и со што го условуваат тие од поранешното СЈО.

ИЛИЕВСКИ: Со што го условуваат?

ХАЈРУЛАХИ: Па, сега, не е место ни време за да кажам.

ИЛИЕВСКИ: Има некој компромат?

ХАЈРУЛАХИ: Сега нема да кажам, сега нема да изнесам ништо, Но, дека го држат на краток синџир, тоа е точно. Кажи ми кој нормален човек, и покрај изгласана недоверба од 71 пратеник, утре ден доаѓа на работа.

ИЛИЕВСКИ: Добро, ти постави квалификатив „нормален“ човек, ама еве ќе го земам за пример Судскиот совет. И ним им беше изгласана недоверба и пак си дојдоа на работа.

ХАЈРУЛАХИ: Да, но таму е друга процедурата. Таму Владата има врзани раце за да постапува поинаку. Така? Тука има конкретна процедура. Владата тука може утре да го среди тоа…

ИЛИЕВСКИ: Еве да го земеме за пример Кочани.

ХАЈРУЛАХИ: Јавното обвинителство направи „каша попара“ од предметот за Кочани.

ИЛИЕВСКИ: Кое е твоето мислење за обвинителниот акт за Кочани?

ХАЈРУЛАХИ: Тој не знае да води никаква постапка, тој никогаш не водел истрага. Во Вишото јавно обвинителство е избран пред неколку години. Во Вишото ЈО не се води истрага…

ИЛИЕВСКИ: Како се бираат луѓе во Вишото јавно обвинителство?

ХАЈРУЛАХИ: Порано беше условот „истакнат правник“ и со тоа влегуваш во Вишото јавно обвинителство. Така Коцевски го донеле во Вишото јавно обвинителство во Гостивар. Тој не знае што е предмет, тој не знае како изгледа кривична пријава и од кривичната пријава да оформиш предмет и да водиш истрага и на крај да изготвиш обвинение. Никогаш не бил на увид како јавен обвинител. Тој не се челичел како јавен обвинител, не се формирал за да биде Републички јавен обвинител. Сега имам систем на кариера. Работиш како јавен обвинител во Основно обвинителство, па во Вишо јавно обвинителство, па дури тогаш во Републичко јавно обвинителство. И да знаеш како се решава еден предмет од, не знам, семејно насилство до тешки убиства или случајот со Кочани. Тоа ти е должност, треба да знаеш како тоа да го правиш. А не „заврзлами“ да правиш со предметот. А целта е овој предмет не види бел ден, да нема никаква разрешница.

ИЛИЕВСКИ: Мислиш дека има такви повреди во постапката?

ХАЈРУЛАХИ: Не мислам, знам, и знам кој ја конструирал целата работа.

ИЛИЕВСКИ: Значи, твојата теза е дека обвинението за Кочани е така дизајнирано за долго да трае… Никогаш да не се докаже. Зошто?

ХАЈРУЛАХИ: Во тој предмет има негде 37, еве 40, па 60, па падна на 40 обвинети. И тие случаи не можат да се раздвојат, зашто едниот ќе води во еден правец, другиот во друг. Ако предметот што е во ЈО за организран криминал, ако таму се случи преквалификација, што правиме со предметот што е во Основно ЈО? Требаше предметот да се води како целина. Немаше да биде покомплицирано, ќе беше поедноставно.

Ако не беа 40, туку 65? Видете, само тоа што во обвинението има луѓе од 2011 година, некој што тогаш вршел некоја си функција, до 2025 година, и ти во овој период од 14 години, влечеш линија и го поистоветуваш тој што бил функционер во 2011 година со тој што бил во 2025 година. И ти ставаш една рамна линија и сите ги обвинуваш со иста правна квалификација. Сите ги обвинуваш дека тие сториле едно кривично дело по член 292, Сега не знам кој став е таму. Тоа е илузорно, тоа никогаш нема да се докаже. Како, тој што бил министер за економија, што и да е, во 2011 година, го поистоветуваш со тој во 2025 година? Тој објект во тоа време имал поинаква конструкција. Од 2011 година…

ИЛИЕВСКИ: Физички сакаш да кажеш?

Х: Да, и внатре и се…. Од 2011 до 2025 година. Имало реновирања, вградување материјали… Која е одговорноста на тој во 2011 година за да одговара сега за случајот во 2025 година? Тука требаше вистинските виновници од 10-12 лица да се гонат. И овој предмет ќе завршеше за неполн месец.

ИЛИЕВСКИ: Но, нели го бараме нулта денот.

ХАЈРУЛАХИ: Не знаеме кој е нулта денот.

ИЛИЕВСКИ: Па, знаеме, нулта денот е кога на место објект за индустрија, нели, овој решил да си го направи дискотека и никој не мрнал со мал прст. Може тоа да е нулта денот.

ХАЈРУЛАХИ: Одбраната тоа ќе го негира. Видете, ние како обвинители не сме сами во судницата. Тие обвинети имат бранители и тие бранители ќе ги доловат сите пропусти во обвинението. Кажете ми кој е домино ефектот од 2011 година до 2025 година, кога секоја лиценца важи една година, така? И што правиме за една година кога имаш обновување на лиценца. Тој работи без лиценца. Тука веќе се прекинува тој домино ефект. Тука немаме веќе домино ефект. Значи, свесно е направено… Вака случајот ќе биде уште потрагичен. Кога ќе нема разрешница, уште потрагичен ќе биде. Богдан, ќе нема сила што ова може да го докаже.

ИЛИЕВСКИ: А можеби ќе има преквалификација? Можеби ќе има има ослободителни пресуди?

ХАЈРУЛАХИ: А дури тогаш што правиме? А, дури тогаш што правиме? Дури тогаш државата ќе треба да треба да плаќа и плус трошоци. И влегуваме во еден волшебен круг, од кој не знам како ќе излеземе.

Обвинителот не треба да работи под притисок на јавностатреба да види што има на располагање, за да пушти квалитетно обвинение. За 10-12 души… Вака, ќе има 60 бранители, ако се по двајца 120… Ќе заглави случајот… Затоа јас, цело време сум за тоа да видиме кои се вистинските виновници за трагедијата. Дајте да ги детектираме тие виновници за трагедијата и да пуштиме обвинение како што треба…

ИЛИЕВСКИ: Според твоите информации, кој имаше диригентската палка во креирање на обвинението за Кочани? Дали е тоа интерпелираниот човек?

ХАЈРУЛАХИ: Не, нема врска. Тој само се појавуваше по медиумите. Нема врска. Тој не ни знае да води истрага, тој не ни знае што е истрага.

ИЛИЕВСКИ: Кој знае да води истрага?

ХАЈРУЛАХИ: Има други што го координираат него. Имаше човек близок до Гаврил Бубевски, кој што беше цело време, како демек човекот кој што го води предметот.

ИЛЕВСКИ: Зошто би била целта да се направи такво обвинение? Може ли да изреагирале и тие емотивно или под притисок на јавноста, дека мора да се покажат сега и веднаш, па многу да има луѓе опфатени, да не испадне дека се селективни?

ХАЈРУЛАХИ: Во професионалното постапување, емоциите треба да се тргнат на страна. Бидејќи, ќе направиш два пати поголема штета од направеното.

ИЛИЕВСКИ: Прашувам само, тоа е едната можност. Другата можност е свесно да се прави нешто поради инволвираните?

ХАЈРУЛАХИ: Ништо чудно и сето тоа да се направи свесно, за да нема разрешница целата ситуација.

ИЛИЕВСКИ: Од политички причини, за да тежи тоа како Дамоклов меч над оваа власт?

ХАЈРУЛАХИ: Да биде камен во чевелот.

ИЛИЕВСКИ: Комплицирано.

ХАЈРУЛАХИ: Комплицирано, но не од незнаење. И не е ненамерно. Комплицирано со намера. Не знам, ќе видиме, дај Боже, дај Боже да има разрешница за сето ова, бидејќи навистина ми е жал за семејствата на загинатите.

ИЛИЕВСКИ: Но, ете, ти укажуваш на правни пречки.

ХАЈРУЛАХИ: Укажувам на тоа зашто во текот на работењето сме се соочиле со вакви крупни предмети. Сме имали предмети, не знам, за патарините, не се сеќавам како се викаше, со многу обвинети. Тој предмет се влечеше со години, 15-20 години се влечеше предметот. И на крај што се случи со предметот? Застаре, па не знам, преквалификација, па ова-она и никому ништо. Кој ги памти веќе тие… Истото, за жал, ќе биде и со Кочани. Непродуктивно ќе биде сето ова. Ова ќе биде за 5-10 години, Кој ќе зборува за трагедијата? За жал, ние имаме кратко памтење. А, таа трагедија е слика за целото општество. И не треба никогаш да дозволиме на било кој начин, не дај Боже да се повтори. Но, за тоа треба системот да води сметка…

ИЛИЕВСКИ: Ајде вака, јас не сум правник ќе ти ја поставам тезата, па ти искоментирај. Беа Ласкарци, Беса транс и на крај модуларните болници. Тие беа со премал број обвинети…

ХАЈРУЛАХИ: Види, Не е проблем бројот на обвинените во предметот. Квалитетот на обвинението е проблем. Правната квалификација. Не можеш за 60 души да одиш… Види, колку пати сме биле опоменати од случаите. Се случува модуларна болница во Тетово. И нишпто. Се случува Ласкарци. Се случува Беса транс. Се случува на крај, за жал, Кочани. И сега што правиме? Ако правевме нешто првиот пат, немаше да дојдеме до ова.

ИЛИЕВСКИ: Тоа е кабаетот на Јовески.

ХАЈРУЛАХИ: Без разлика, без разлика чив кабајетот.

ИЛИЕВСКИ: Дали требало тогаш, на пример за Ласкарци, како прва во низата на големи трагедии последните години, дали требаше тогаш да се преврти земјава за да се види кога прв пат е направен лажен технички преглед на тој автобус. Ме сфаќаш што сакам да кажам. Ако тогаш се работеше…

ХАЈРУЛАХИ: Не се направи тоа и еве до кај стигнавме… Богдан, целиот случај се расплинува, целата ситуација се расплинува. И кога ќе се расплини целата ситуација, за ваков емотивен и ваков трагичен настан, кога ќе нема разрешница, кажи ми што, правиме после. Дали ќе биде болката уште поголема? На семејството, да, но… И моја исто така, бидејќи и јас сум родител, знам како е.

ИЛИЕВСКИ: Еден случај од Монструм. Заев лажеше дека ако ги објавел бомбите за Смилковско, дека кај имало граѓанска војна во државата. Па после викаше обвинетите за Смилковско се невини. Итн, итн. На крај, родителите си живеат секој ден со болка, тоа што им ги нема децата. Заев е на Харис Џиновиќ во Дубаи и така е. Сега малку да позборуваме за твоето обвинителство, Вишото јавно овинителство, од кое што те суспендираше човекот без доверба. Каква улога тоа би имало, еве на пример, во случајот со Кочани?

ХАЈРУЛАХИ: Види, до пред скоро време, Вишото јавно овинителство немаше никакви допирни точки со предметот зашто беше во друго апелационо подрачје. Тоа беше под надлежност на Вишото јавно обвинителство Штип. Е сега, тоа што отидоа на испомош обвинителите од Основното јавно обвинителство Скопје, тоа е друга работа. И, видете сега која е компликацијата. Целиот предмет се работи во Вишото јавно обвинителство – Штип. А, на крај доаѓа да истото обвинение го застапуваат обвинителите во Основното јавно обвинителство. Скопје.

ИЛИЕВСКИ: Се согласиле ли со тоа твоите колеги?

ХАЈРУЛАХИ: Па, не, не знам кој ќе го застапува тоа.обвинение. Ниту знам кој ќе го застапува. Но, прашањето е зошто Одделението за организиран криминал не постапуваше по тој предмет. Посериозен кривично правен настан од овој – здравје Боже! Најдоа, не знам, 15-16 обвинители, и 15-16 обвинителите работат еден предмет и тој предмет ќе бил квалитетен. Како ќе биде квалитетен?

ИЛИЕВСКИ: Повеќе умни глави. Знаеш Вилма како се правдаше за 27 април? Сите обвинители што постојат во Скопје, сите се согласија со квалификативот од член 313.

ХАЈРУЛАХИ: Не знам во овој случај дали сите се согласиле.