Екипата на EUROEDIL HOLDING, победникот на Red Bull Half Court Македонија го освои второто место на светското Red Bull Half Court финале, кое во изминативе два дена се одржуваше во Дубаи.
Македонските „баскетџии“ по двете победи во групата над екипите од САД и Малдиви и поразот од Јужна Африка обезбедија пласман во нок аут фазата. Во четвртфиналето совладани беа ривалите од Јапонија со 14:9, а во полуфиналето беа надиграни противниците од Молдавија со 19:4. Во финалето храбрите момци беа поразени од Египет.
Екипата на EUROEDIL HOLDING настапи во состав: браќата Елвис и Амар Хот, браќата близнаци Карло и Паоло Блажевски.
Фото: www.mkd.basketball
