Бурата Јоханес ја погоди Шведска носејќи силни ветрови и снежни врнежи, додека повеќе од 40.000 домаќинства останаа без електрична енергија.
Според метеоролозите, бурата се шири брзо и се очекува ветровите да се зајакнат во текот на денот.
Бурата започна ноќеска од северот на земјата, со многу силни ветрови, додека жолти и портокалови временски предупредувања беа издадени за поголемиот дел од Шведска, пренесе локалниот портал Expressen.
„Ветерот ќе продолжи да се засилува и наскоро ќе имаме силни ветрови во областите каде што се издадени портокалови предупредувања. Најголема јачина ќе биде попладне, додека малку ќе се смири во текот на вечерта и ноќта“, рече метеорологот Кјел Лунд.
Бурата предизвика и прекини во електричната енергија, при што речиси 40.000 домаќинства останаа без електрична енергија.
Во меѓувреме, Шведската транспортна агенција (Trafikverket) објави дека владеат многу тешки услови за сообраќај на неколку патишта.
