Една полицајка го загуби животот, а најмалку 15 лица се повредени во текот на ноќта во експлозии во градот Лавов во северозападна Украина, изјави градоначалникот на градот, опишувајќи го инцидентот како терористички чин.
Според канцеларијата на регионалниот обвинител на Лавов, полицијата била повикана по полноќ во врска со кражба во продавница во центарот на градот, објавува Укринформ.
Кога пристигнала патролата, се случила експлозија, по што следела втора во момент кога пристигнал втор полициски тим. Починатата полицајка има 23 години, соопшти обвинителството.
„Очигледно е дека станува збор за терористички чин. Петнаесет лица моментално добиваат медицинска помош, некои се во многу сериозна состојба. Полицајка почина“, изјави градоначалникот Андриј Садови во видео објавено на социјалните мрежи.
Властите објавија фотографии од фасада на зграда со скршени прозорци.
Фото: Архива
