Британскиот министерот за домување, заедници и локална самоуправа, Стив Рид денеска изјави дека нема докази што би ги поткрепиле тврдењата дека Иран планира да изврши ракетни напади врз Европа или дека е способен да го стори тоа.
Израелските одбранбени сили објавија соопштение на социјалните мрежи синоќа во која се вели дека Иран има ракети што „можат да стигнат до Лондон, Париз или Берлин“.
„Нема објективна проценка што би ја поткрепила оваа тврдење. Не добив никакви информации дека Иран дури и се обидел да цели кон Европа, а не, пак, да биде способен да го нападне континентот“, изјави Рид за Би-Би-Си.
Во посебно интервју за Скај њуз, Рид рече дека американскиот претседател Доналд Трамп го изразил своето лично мислење кога се заканил дека ќе ги уништи иранските електрани ако Техеран не ја укине блокадата на Ормуската Теснина во рок од 48 часа.
На прашањето како министерот би го дефинирал ставот на Велика Британија за овој рок што го постави Трамп, Рид рече дека „американскиот претседател е совршено способен да го изрази и брани својот став“. „Нема да дозволиме да бидеме вовлечени во оваа војна, но ќе ги браниме нашите интереси во овој регион. Ќе работиме со нашите сојузници за деескалација“, додаде министерот.
Фото: архива
