Американскиот претседател Доналд Трамп изјави дека петтемина мажи уапсени во близина на воздухопловната база РАФ Ферфорд во Британија, која ја користат американските сили, имале намера да предизвикаат „голема штета“.
„Беше фантастично. Соработувавме со Британија и работата беше завршена неверојатно добро. Ги имавме под надзор. Намерата им била да предизвикаат голема штета на нашата база, а соработката со Британците функционираше одлично. Долго време ги следевме и ги фативме“, изјави Трамп пред новинарите во САД.
Петтемина мажи беа уапсени откако полицијата добила пријава за три сомнителни комбиња кои се движеле кон базата во Глостершир. Тие се осомничени за прекршување на Законот за експлозиви и за подготовка на терористички чин.
Случајот го истражуваат британските антитерористички единици, а на местото беа испратени и специјализирани воени тимови за проверка на возилата.
