Министерството за надворешни работи на Косово објави денеска дека вицепремиерот и шеф на дипломатијата Беџет Пацоли примил писмо од неговиот колумбиски колега Карлос Холмес Трухило Гарсија, кој го информира за одлуката на неговата Влада за воспоставување дипломатски односи со Косово, јави МИА од Приштина.
Со ова, се вели во соопштението, „се овозможува постојана комуникација на највисоко ниво меѓу двете земји, со размена и на амбасадори“.
– Со отворањето на Амбасадата во Богота, Косово тежнее покривање и нерезидентно дипломатско претставување и во другите држави на јужноамериканскиот континент, соопшти косовското МНР.
