Основниот впечаток кој го добив од посетата е дека нашите европски партнери, исто како и нас, се убедени во победата на претстојните парламентарни избори, изјави Стефан Андоновски, меѓународен секретар на ВМРО-ДПМНЕ и заменик министер на Министерство за информатичко општество и администрација во гостувањето во емисијата „Заспиј ако можеш“ на ТВ Алфа.
– Во таа насока беа и бројните билатерални и мултилатерални состаноци. Се дискутираше за глобалните и локалните предизвици на економијата, справувањето со геополитичките состојби, климатските промени и влијанието врз селата и земјоделството, рече Андоновски.
Тој нагласи дека ВМРО-ДПМНЕ е кредибилен партнер на Европската народна партија.
-Нашите напори за создавање програма која ќе нуди реални решенија е препознаена и ние имаме сериозна поддршка за нејзина реализација, посочи Андоновски.
Меѓу другото Андоновски напомена и дека СДСМ долг период говори дека ВМРО-ДПМНЕ е изолирана партија, меѓутоа гледаме дека тоа не е вистина. ВМРО-ДПМНЕ е европска партија со голема поддршка од државите членки на Европската Унија.
– СДСМ велеше дека ВМРО-ДПМНЕ не е Европска партија, но видовме како нивниот претседател Димитар Ковачевски, не ни беше примен на состанок со Европските сестрински партии. Тоа нешто кажува, потенцираше Андоновски.
