Наводната грижа на партијата Левица и Димитар Апасиев за државата и граѓаните, не е ништо друго освен лицемерие и инструмент за богатење, се истакнува во соопштението од ВМРО-ДПМНЕ кое во продолжение го објавуваме во целост:
Деловните простории во кулата Апасиев се купени под цената утврдена и проценета од Град Скопје. На оваа цена би позавидел дури и Артан Груби чиј брат купи деловни простори на улица Македонија по багателна цена во центарот на Скопје.
Опозициската Левица, на Димитар Апасиев купила имот во центарот на градот од 409 метри квадратни на Адвокатска улица, кој е купен со договор во ноември минатата 2024 година за цена од 295.000 евра со ДДВ. Тоа значи дека, согласно овој договор, овој објект Левица на Апасиев го купила за 721 евро за метар квадратен.
Додека пак цената која Град Скопје им ја пресметал за овој објект е 1.150 евра по метар квадратен, а данокот кој што партијата Левица го платила за купувањето на овој објект е во вредност од 739.285 денари.
Ова е, најверојатно, криминална зделка и евентуално кривично дело кое треба добро да се испита и за кое треба да се сноси одговорност.
Оттука ги повикуваме надлежните органи и обвинителството да истражат, дали политичката партија Левица и нивниот лидер Апасиев сториле кривично дело со купување на деловен простор во центарот на Скопје, по пониска цена од таа која била пресметана од Град Скопје.
Центар за комуникации на ВМРО-ДПМНЕ
