Американскиот претседател Џо Бајден ги оквалификува руските напади врз украински цивили како знак на слабост од страна на рускиот претседател Владимир Путин, јави ДПА.
„Мислам дека Владимир Путин е во неверојатно тешка ситуација“, рече Бајден. „Рускиот лидер „се обидува да ја заплаши Украина да ја натера да капитулира. Но, тоа нема да се случи“, рече Бајден одговарајќи на новинарско прашање.
Во Велика Британија, началникот на ГШ на британските вооружени сили, Тони Радакин ја осуди нуклеарната реторика на рускиот претседател како „крајно неодговорна“ и ја повика меѓународната заедница да остане обединета во својата опозиција.
„На Путин не му останаа многу опции. Оттаму потекнува нуклеарната реторика“, рече тој во говорот.
Радакин одби да коментира за тоа што мисли за веројатноста Путин да се подготвува да изврши нуклеарен напад врз Украина.
