Германската министерка за надворешни работи Аналена Бербок, која е во посета на Нов Зеланд, не ја исклучи можноста германска фрегата да го премине Тајванскиот теснец.
Германската фрегата Баден-Виртемберг и брод за снабдување во вторник ќе тргнат во мисија за обука на Пацификот која ќе трае неколку месеци. Бродовите ќе влезат во Тихиот Океан преку Панамскиот канал, а подоцна ќе го преминат и Јужното Кинеско Море.
Рутата по која ќе пловат бродовите нема да биде објавена однапред, рече Баербок за време на прес-конференцијата со нејзиниот колега од Нов Зеланд, Винстон Питерс.
Таа нагласи дека „правото на мирен премин“ се однесува на Тајванскиот теснец.
– Важат истите правила како и во сите споредливи морски области каде што пловат нашите бродови и други бродови, додаде Бербок.
Преминувањето на Тајванскиот теснец Кина може да го смета како провокација, пренесе ДПА. Тајван има независна влада од 1949 година, но Кина ја смета самоуправната демократија за дел од својата територија.
САД, Велика Британија и Франција сепак одржуваат воено присуство во теснецот меѓу Тајван и Кина.
Во 2021 година, германската фрегата Баерн учествуваше во маневри со тогашните сојузници, но го избегна Тајван за време на нејзиното патување кон Пацификот.
