Руската рубља во петокот се искачи во однос на еврото на највисоко ниво во последниве повеќе од две години и се качува во однос на доларот на берзата во Москва, додека централната банка повторно ги намали каматните стапки, објави економскиот портал Пари.

Банката на Русија ја намали основната каматна стапка за 300 базични поени по втор пат овој месец, на 14 отсто, бидејќи се обидува да стимулира повеќе заеми во економијата во услови на висока инфлација, изненадувајќи ги аналитичарите кои предвидуваа помало намалување.

Рубљата се зацврсти во изминатите неколку дена бидејќи компаниите фокусирани на извоз ги продаваа своите девизни приходи за да ги исполнат локалните обврски кои може да надминат 3 трилиони рубљи (43 милијарди долари) овој месец, според аналитичарите анкетирани од Ројтерс.

Рубљата целосно закрепна на нивоата видени пред февруари, кога Русија започна, како што ја нарекува, „специјална воена операција“ во Украина што доведе до невидени санкции од Западот, вклучително и замрзнување на руските резерви и напорите да го ограничи пристапот на руските банки до глобалниот финансиски систем.