БЕТОНИРАНИОТ КОД НА ЗАЕВ ПОПУШТИ: Од утре регистерски таблички со сменет MK во NMK

Бетонот од премиерот Зоран Заев за забетонираниот идентитет и забетонираниот код МК и МКД веќе почна да се распаѓа.

Од утре се очекува да започне издавањето на новите регистарски таблички за возилата со ознаката NMK.

Замената на старите регистарски таблички со новите ќе се врши постепено при регистрација на возилата.

Обврската за замена на табличките на кои е досегашната ознака МК со новата NMK произлегува од Договорот од Преспа со кој се реши спорот за името со Грција.

Од стапувањето во сила на Преспанскиот договор, досега се даваа бесплатни налепници со ознаката NMK на граничните премини при влез или излез на возилата од Република Македонија.