Српскиот член на Претседателството на БиХ, Милорад Додик, на 20 септември во Москва ќе се сретне со рускиот претседател Владимир Путин, пренесе Бета.
– Тоа е потврда за добрите односи во континуитет. Засега се знае дека теми на разговор ќе бидат политичките и економските односи, изјави за агенцијата Срна Душко Перовиќ, шеф на Претставништвото на Република Српска во Москва.
Перовиќ потврди дека средбата на Додик со Путин ќе се одржи на 20 септември, наведувајќи дека рускиот претседател „секогаш се залагал за строго почитување на Дејтонскиот договор“.
Средбата на Додик со Путин ќе се одржи 12 дена пред општите избори во БиХ, на кои тој е кандидат за претседател на Република Српска.
