БИТКА СО КОВИД: Пред избори Заев и Филипче наместо со мерки ќе го спасуваат народот од короната со реклами и кампања за 300.000 евра

Триста илјади евра чини кампањата на Заев и Филипче протов короната. Наместо лек, народот доби реклами.

Ова се истакнува во денешната реакција од ВМРО-ДПМНЕ.

-Зоран Заев и Венко Филипче со кампањата за вакцинација доцнат повеќе од девет месеци, доцнеа и со вакцини, а досега воведоа само фашистички мерки. Освен за фашистички мерки, Заев и Филипче се махери за провизии, собирање пари. Сега преку кампањата за подигање на јавна свест за вакцинација против корона која чини 300 илјади евра одат во спроведување на својот следен коруптивно-криминален план. Поточно тоа тие го нарекуваат како „јавна набавка за услуги за осмислување и реализација на кампања од јавен интерес за успешна вакцинација и заштита на населението од КОВИД 19“, се вели во соопштението.

Но, се додава во истото, ова е авансирање на средства за нивната политичка кампања за локалните избори.

– Или со оваа кампања на државата за поттикнување на граѓаните да се вакцинираат, всушност се авансираат средства за нивната политичка кампања за локалните избори. Меѓународниот фактор мора да знае за ваквиот обид на изборна корупција, се вели во реакцијата.