Високиот претставник за надворешна и безбедносна политика на ЕУ Жосеп Борел изјави денеска на Брдо кај Крањ дека Србија и Косово мора да го продолжат дијалогот и „да ги остават настрана разликите“.
– Процесот на проширување бара разликите да се остават настрана, рече Борел по пристигнувањето на Самитот ЕУ-Западен Балкан.
Тој додаде дека земјите кандидати за членство мора да спроведат реформи и дека членките и институциите на ЕУ мора да ги исполнат своите обврски. „ЕУ мора да задржи кредибилно продолжување на процесот на проширување“. Според него, земјите кои сакаат да станат членки мора да се усогласат со надворешната политика на ЕУ со цел да се справат со заедничките предизвици.
