Уште 23 македонски фирми се регистрирани на адреса во Ќустендил, каде што е регистрирана фирмата Беса транс, која е сопственик на македонскиот автобус што изутрина изгоре на автопатот Струма. Ова се гледа од увид во Трговскиот регистар, пренесува bTV.
На предметната адреса, како што пренесе порталот Инфомакс, има станбена зграда, а во споменатиот стан живее болна постара жена.
Таа објасни дека пред повеќе од 10 години нејзиниот син работел во оваа компанија. Меѓутоа, оттогаш тој немал никаква врска со неа.
Компанијата постои од 2011 година, а од 2019 година единствен сопственик на нејзиниот капитал е 30-годишниот А.З. – македонски државјанин со албанско потекло.
Компанијата редовно организира патувања во Турција. Иако официјално е регистрирана во Ќустендил, компанијата има канцеларии во Скопје и неколку градови во РС Македонија.
Њуз.бг
