Четири деца загинаа, а две лица се потешко повредени денеска кога воз удри во велосипед за повеќе лица на југот на Холандија, соопшти полицијата.
Несреќата се случила во утринските часови на пругата во градот Ос, на 100 километри југоисточно од Амстердам.
Деталите за несреќата засега не се познати, а холандски медиуми наведуваат дека судирот се случил на железнички премин.
Велосипедите за повеќе лица се многу популарни меѓу родителите во Холандија, кои на тој начин ги превезуваат децата.
