Зградата дивоградба на Шилегов ќе биде урната веднаш по смена на власта, општеството треба да се исчисти од криминалци, се истакнува во денешното соопштение од опозициската ВМРО-ДПМНЕ.
– Институциите со денови молчат за луксузната дивоградба на Петре Шилегов. Да беше дивоградба на обичен граѓанин досега ќе беше срушена, но кога станува збор за функционер на СДСМ инспекторите никаде ги нема. Институциите се неми пред криминалот на градоначалникот во заминување Петре Шилегов. Дваесетина дена јавно се посочува дека Петре Шилегов менува документи во Катастар во неработен ден во сабота. ВМРО-ДПМНЕ посочува со денови дека Петре Шилегов пријавил имот изградена луксузна вила од 300 метри квадратни со 4 пати помала вредност, се вели во соопштението.
Дваесетина дена, се додава во истото, секој ден јавно се посочува дека Петре Шилегов има коли од 130.000 евра, кои што не се пријавени во анкетниот лист.
-Освен што институциите молчат, дури и Петре Шилегов се крие од камери и бега од одговори.Јавното обвинителството мора да почне да работи по допрен глас. А, молчењето на институциите единствено значи соучество и злоупотреба. Петре Шилегов е веќе завршена приказна. Шилегов не смее да избега од одговори и одговорност, се вели во соопштението од ВМРО-ДПМНЕ.
