Доктор Жан Митрев го посети Иван Огњановски, пациентот на кој му беше направена првата трансплантација на срце во државава.
Иван е во добра здравствена состојба и по препораките на доктор Митрев веќе се подготвува за отпуст од болницата и понатамошно лекување и нега во својот дом.
„Иван со нетпрение ја очекуваше средбата со доктор Митрев за што и стана и се поздрави со доктор Митрев со цел сите да ги увери во својата желба да оздравее и што поскоро да се врати на нормалниот живот. Во неговото опоравување во континуитет сите изминати денови се вклучени лекари од нашата клиника кои со колегите од државната кардиохирургија секоја минута ја следнат неговата здравствена состојба. Соработката помеѓу Клиниката Жан Митрев и тимот на државната кардиохирургија продолжува и понатаму а посебно кога станува збор за тешко болни пациенти“, информираат од Клиниката Жан Митрев.
