Полицијата во Загреб пријавила 35-годишна жена и 55-годишен маж, кои се осомничени дека извршиле пет дрски кражби на сметка на постари лица во вкупна вредност од 18.300 евра. Тие се осомничена за злосторствата што ги извршиле од крајот на март до крајот на мај годинава.
Кривичните дела се сторени на тој начин што 35-годишната жена првин телефонски им все јавувала на постари граѓани и лажно се претставувала како вработена во медицината, при што оштетените ги довела во заблуда дека дава услуги за масажа.
Потоа тие ги посетувале жртвите во нивните станови, при што 55-годишниот маж симулирал масирање на жртвите и им го одвлекувал вниманието, а 35-годишната жена пребарувала во собите, плакарите и во чантите и крадела пари.
Од ПУЗ посочуваат дека проневериле суми од 60 до 12.000 евра и дека по спроведена кривична истрага, тие се предадени на притворската полициска единица, а посебен извештај е поднесен до надлежното општинско кривично државно правобранителство.
Од полицијата додаваат дека кривичната истрага продолжува бидејќи кај нив биле пронајдени повеќе облека, како и поголеми суми пари и златен накит.
