АД Електрани на Северна Македонија информираат дека со максимална вклученост на расположливите капацитети, ја произведува целокупната електрична енергија за граѓаните и малите потрошувачи, а исто така компанијата ќе биде вклучена во реализација на договорените проекти за справувањето со енергетската криза кои ќе произлезат од иницијативата Отворен Балкан и од другите форми на соработка меѓу земјите во регионот, чие директно спроведувања во енергетиката ќе треба да тече преку АД ЕСМ.
Генералниот директор на АД ЕСН Васко Ковачевски, се вели во соопштението, учествуваше на самитот на иницијативата „Отворен Балкан” во Белград, на тркалезната маса посветена на справувањето со енергетската криза, на која присуствуваа највисоките владини претставници од земјите учеснички, како и претставници од енергетските субјекти и институции, информираат од АД ЕСМ.
Ковачевски, со министерот за економија на Република Северна Македонија, Крешник Бектеши потоа, се вели во соопштението, имале одвоена средба со српската вицепремирка и министер за рударство и енергетика, Зорана Михајловиќ, на која, како што инфомираат, разговарале за соработката меѓу двете министерства во областа на енергетиката, енергетската безбедност и за нови проекти.
