Ферари ќе ја оспори казната на својот пилот, Себастијан Фетел, на канадскиот Гранд При поради која победата му беше доделена на возачот на Мерцедес, Луис Хамилтон.
Италијанскиот тим има рок од 96 часа по завршување на трката да поднесе жалба.
Германецот заврши прв, но поради казна од пет секунди победата му ја отстапи на Хамилтон. Фетел беше казнет за небезбедно враќање на патеката по излетувањето, при што речиси го исфрли во заштитната ограда Хамилтон.
По завршувањето на трката Фетел не го донесе болидот на предвиденото место, се обиде да оди кај судиите и ја пропушти постапката за интервју по завршувањето. Германците беше вратен на подиумот, а во меѓувреме тој отиде кај победничките болиди и го врати знакот со бројот 2 кај мерцедесот на Хамилтон, а на слободниот простор каде што требаше да биде паркиран неговиот болид го постави знакот со број 1.
