Тренерот на Баерн, Ханси Флик го пофали својот тим откако ја совлада Борусија во Суперкупот на Германија (3:2).
И покрај тоа, тој смета дека било потребно подобро да се делува во второто полувреме.
– Денес ни требаше само победа, тоа беше нашата цел и ја остваривме. Затоа, комплименти за тимот. Ни претстојат уште многу натпревари. Затоа, важно е да одлучувате вакви натпревари во ваша корист. Од една страна, оваа победа го демонстрира менталитетот на тимот, а од друга, класата што ја поседува. Не беше лесно, особено во второто полувреме. Водевме со 2:0 и беше заслужено. Но, тогаш ние самите си го отежнавме животот правејќи неколку грешки. Џошуа Кимих има посебен менталитет и неверојатни квалитети. Затоа, тој се движи кон тоа да стане еден од оние фудбалери кои имаат значително влијание врз клубот, истакна Флик.
Баерн синоќа по осми пат го освои германскиот Суеперкуп.
