Четирикратниот светски првак во Формула 1, Себастијан Фетел, најави денеска дека нема да настапи на трката за Големата награда на Русија, доколку истата се одржи, поради руската инвазија на Украина.
Раководството на Формула 1 соопшти претходно денеска дека внимателно ја следи состојбата, но не прецизираше дали ќе ја откаже трката во Русија, која е на програмата на 25 септември во Сочи.
– Утрово се разбудив шокиран од вестите. Мислам дека е ужасно да се гледа тоа што се случува. Кога ќе го погледнeтe календарот на натпреварувања во Формула 1 во него имаме трка во Русија, но јас нема да одам таму. Мислам дека е погрешно да се тркаме во таа земја, изјави возачот на Астон Мартин, Фетел.
