Граѓаните на Велика Британија, Шпанија, Португалија, Кипар, Грција и Холандија кои сакаат да влезат во Франција ќе мора да направат негативен тест за Ковид-19 не постар од 24 часа, соопшти француската влада.
Во соопштението на премиерот Жан Кастекс се вели дека мерката, која се однесува на невакцинирани патници, ќе стапи на сила на полноќ.
Тунис, Мозамбик, Куба и Индонезија се исто така на „црвената листа“.
Досега, Британците мораа да имаат тест не постар од 48 часа, додека за Шпанците, Португалците, Кипарците, Грците и Холанѓаните, тој период беше 72 часа.
Франција бележи брзо зголемување на бројот на заразени со вирусот.
