Дадовме европски гаранции дека вклучувањето на Бугарите во македонскиот устав ќе биде предуслов за продолжување на дискусијата со Македонија, вели француската амбасадорка во Софија, Флоренс Робин.
– Ова е дел од таканаречениот француски предлог, кој во пракса е европски предлог и е впишан во протоколот потпишан од сите страни. Сметаме дека ова ќе биде тежок процес, но со разбирање и објаснување ќе донесе резултат, изјави Робин за бугарски Сега.
Натаму додава:
– Тоа беше тешка и сложена тема. Избравме да не ја третираме теоретски и догматски, туку навистина да ги слушаме грижите на Бугарија и С. Македонија, да ги почитуваме нивната историја и култура, како и нивните црвени линии. Целта беше да направиме се за да се отстрани многу сложеното двострано прашање – она на историјата и јазикот, кои странците како нас тешко ги разбираат – и да ја сведеме оваа тема во доменот на човековите права, кои се универзални. Европски вредности. Така го претворивме во европско прашање, односно да излеземе од билатералната конфронтација за да развиеме глобално размислување за сите земји членки. Така на крајот европски гаранции добија Бугарија и С. Македонија во исто време, вели француската амбасадорка.
Видеото може да го погледнете ТУКА.
