Гасум: Русија денеска ја запре испораката на гас за Финска откако оваа земја одби гасот да го плаќа во рубљи

Од денеска прекинаа испораките на рускиот природен гас за Финска, соопшти финската државна енергетска компанија „Гасум“, откако скандинавската земја одби гасот да му го плаќа на „Газпром“ во рубљи.

„Испораките на природен гас за Финска според договорот за снабдување се прекинати“, се наведува во соопштението на „Гасум“. Оттаму додаваат дека место тоа, природниот гас ќе се снабдува од други извори преку гасоводот „Balticconnector“, што ја поврзува Финска со Естонија.