Артан Груби денеска изјави дека е откажан големиот концерт по повод прославата на 20 години од Охридскиот рамковен договор со што Министерството покажува доблесност и ги уважува препораките за заштита од Ковид-19. Ова Груби го истакна во Тетово каде на Универзитетот на Југоисточна Европа се одржа панел-дискусија по повод 20 годишнината од Охридскиот договор.

-Согласно програмата за одбележување на Охридскиот рамковен договор предвиден огромен концерт на плоштадот Македонија во Скопје, вечерта на 13 август кој што решивме ние како Министерство да го одложиме, да не го одржиме, согласно новите состојбите со инфекциите од коронавирусот и затоа покажуваме дека сме доблесни и дека разбираме и ги откажуваме сите можни манифестации каде има ризик од зараза, изјави Артан Груби.

Сепак останува да се одржи прослава во хотел каде се предвидени да присуствуваат околу 200 луѓе.

-Сите настани и денешниот се согласно протоколи за Ковид и централниот настан во хотел Александар Палас на 13 август ќе биде во сала која собира 1500 луѓе а ќе присуствуваат не повеќе од 200 луѓе кои ќе носат маски, ќе бидат со оддалеченост поголема од 1,5 метар еден од друг, мерење на температура пред влезот. Затоа не ја разбирам оваа масовна хистерија по социјални мрежи. Се надевам дека не се однесува на Охридскиот рамковен договор и на неговата имплементација туку е навистина е загриженост на сите тие околу здравствените протоколи, рече вицепремиерот Груби.

На панел дискусијата на Универзитетот на ЈИЕ, првиот вицепремиер и министер посочи дека на неколкуте вакви средби досега главна забелешка е спроведувањето на уставните одредби од тој документ.  Тој образложи дека имплементацијата претставува секојдневен и доживотен процес, а дека следува фаза која ќе ги опфати децентрализацијата и регионалниот рамномерен развој.

-Главната забелешка е во однос на имплементирањето во однос на одредбите од Рамковениот договор при што сите констатираме дека нормативниот дел кој произлегува од Охридскиот рамковен договор и Уставот согласно рамковниот договор е веќе усвоен од Собранието и институциите додека имплементицијата е секојдневна и доживотна. Затоа што се работи на имплементација на уставни одредби и на законски одредби кои се законска обрвска на сите нас и како граѓаните и како институции. Затоа сметам дека се уште има потреба и има простор за унапредување посебно на правичната и адекватна застапеност но и на рамномерниот развој на регионите. Со придонес на академикот Беџети ги усвоивме законите во Владата, се поднесени во Собранието и се надеваме дека ќе се усвојат во следните неколку недели за да пристапиме зи кон рамномерен регионален развој како предусловите за понатамошна децентрализација. Ја продлабочуваме и фискалната и институционалната децентрализација за да ги појачаме општините за да бидат вистински сервис кон граѓаните, изјави Груби.

На панел-дискусијата учествуваа министри на ДУИ, професори и студенти.  На новинарско прашање зошто нема од другите политички партии Груби рече дека биле поканети на повеќе начини, но оти не дошле. ас/ев/