Унгарија би ставила вето на секој европски предлог што води кон ограничување на увозот на енергија од Русија, според министерот во владата на премиерот Виктор Орбан.
– Јасно ставивме до знаење дека никогаш нема да поддржиме проширување на санкциите на Европската унија против Русија на на полето на енергетиката, изјави за HirTV министерот за кабинет Гергели Гуљас.
ЕУ треба да предложи забрана за руската нафта до крајот на годината поради нејзината војна во Украина, со постепено воведување ограничувања на увозот дотогаш, објави Блумберг во саботата, цитирајќи луѓе запознаени со ова прашање.
Унгарија, која во голема мера се потпира на руската енергија, беше меѓу најгласните во противењето на проширувањето на санкциите. „Бидејќи таквите одлуки бараат едногласност, нема смисла Комисијата да предлага санкции кои влијаат на природниот гас и суровата нафта што би го ограничиле унгарскиот набавки“, рече Гуљас.
Владата на Орбан се согласи со Русија да дозволи претворање на нивните плаќања за гас во рубљи, тестирајќи ја политиката на санкции на ЕУ. Русија во средата го прекина дотурот на гас за Полска и Бугарија, со што ја исполни заканата дека ќе го запре протокот доколку плаќањата не се вршат во рубли.
