Ин мемориам: Во Белград почина македонскиот пејач Зоран Георгиев, кој ја испеа познатата „Еден бакнеж“

Македонскиот пејач Зоран Георгиев, кој ја испеа познатата песна „Еден бакнеж…“ почина во 77 година од животот во Белград, во Република Србија.

Георгиев е роден во Охрид, а ќе остане запаметен по извонредната песна „Еден бакнеж“ на Петре Пешев. Со неа победи на фестивалот во Опатија во 1962 година.

Тој има освоено прва награда на фестивалот Скопје 70 и за најмодерна песна, што ја изведуваше со Златко Голубовиќ, на Белградската пролет 67.

Успесите ги постигна и со мелодиите од филмот „Аламо“ и песните „Една солза“ и „ Драга мајко“. Зад себе го остави компакт-дискот „Песните на мој начин“ и албумот со македонските староградски песни и бисери, во кој централното место го заземат песните „ Зајди, зајди“, од Александар Сариевски и „Еден бакнеж“.